blomkoolkoekies
Genoeg vir 4 mense
Bereiding: 20 min.
Gaarmaak: 10 min.
350 g blomkool, gekook tot net gaar
1 x 410 g-blik kekerertjies, afgespoel en gedreineer
15 g pietersielie, gekap
1 brandrissie, gekap
50 g geblansjeerde amandels, gerooster
125 ml (½ k) vars broodkrummels
5 ml (1 t) Dijon-mosterd
250 ml (1 k) gerasperde cheddarkaas
sout en vars gemaalde peper
250 ml (1 k) fyn, droë broodkrummels
30 ml (2 e) olie
PITABRODE
4 pitabrode
60 ml (¼ k) blatjang
80 g slaaiblare
1 rooi-ui, in ringe gesny
- Sit die blomkool, kekerertjies, pietersielie, brandrissie, amandels, broodkrummels en mosterd saam in die bak van ’n voedselverwerker en pols tot net gekap. Voeg die kaas by, meng goed en geur met die sout en peper.
- Vorm koekies en rol in die broodkrummels. Verhit die olie en braai tot goudbruin aan albei kante. Die koekies is taamlik sag; werk dus versigtig daarmee.
- Pitabrode Sny die pitabrode oop, smeer met die blatjang en vul met die slaaiblare, uie en blomkoolkoekies.
