Aarbeikonfyt met vanielje
Bestanddele
1 suurlemoen1 kg aarbeie, in kwarte gesny
350 ml suiker
90 ml (6 eetlepels) suurlemoensap
1 vanieljepeul, oopgesny en saadjies uitgekrap
Metode
1. Sny 3 - 4 breë repe suurlemoenskil met ’n
aartappelskiller af. Sny elke reep in ’n paar dunner repies.
2. Plaas al die
bestanddele, insluitend die vanieljepeul met die saadjies, in ’n kastrol en
meng goed deur. Laat staan vir 15 minute tot die suiker begin oplos en die
aarbeie ’n sous begin vorm.
3. Verhit die vrugte
oor matige hitte en roer tot die suiker opgelos is. Verhit tot kookpunt, stel
die hitte effens laer en prut 20 - 30 minute, maar moenie dat die konfyt te
vinnig kook nie. Skep enige skuim versigtig af, maar maak seker daar nie te
veel vanieljesaadjies verlore gaan nie.
4. Toets ’n bietjie
konfyt op ’n koue piering ná 30 minute. As die konfyt vinnig stol en jy met jou
vinger ’n paadjie deur die druppel kan trek, sonder dat dit weer bymekaarkom,
is die konfyt gereed. Prut vir nog 10 minute as dit steeds te loperig is. Dis
egter nie ’n stywe konfyt as dit afgekoel het nie. Moet dit dus nie te veel
kook nie.
5. Skep die warm
konfyt in gesterlliseerde glasflesse, verseël en laat dit heeltemal afkoel. Of
skep dit in ’n bakkie en hou in die yskas. Gebruik op enige van die
voorgestelde maniere.
1. Om flesse te
steriliseer: Vul die flesse met kookwater en laat staan vir ’n paar minute.
Plaas die deksels in ’n bak en bedek ook met kookwater. Vul die warm flesse met
warm konfyt en verseël dadelik.
2. Vervang die helfte
van die aarbeie met ’n mengsel van bessies, soos bloubessies, frambose.
3. Vervang die
vanieljepeul met ’n stuk pypkaneel.
