Wednesday 29 October 2014
Penne niçoise-slaai
Penne niçoise-slaai
Genoeg vir 4-6 mense
Bereiding: 10 min.
Gaarmaak: 15 min.
200 g volgraan-pennepasta
200 g groenbone, skoongemaak
2 x 185 g-blikke tunastukke, gedreineer
’n kop blaarslaai, in skywe gesny
1 geel soetrissie, in blokkies gesny
200 g kersietamaties, in kwarte gesny
8 ontpitte swart olywe
1 rooi ui, in dun skywe gesny
4 gekookte eiers, gehalveer
SOUS
60 ml (¼ k) suurlemoensap
15 ml (1 e) Dijon-mosterd
2 knoffelhuisies, fyngemaal
60 ml (¼ k) olyfolie
’n hand vol kruisement, gekap
vars gemaalde peper
1.Kook die pasta volgens die aanwysings op die verpakking en voeg die groenbone by die pot vir die laaste 3 minute se kooktyd.
2.Plaas die tuna, blaarslaai, geel soetrissie, tamaties, olywe en ui in ’n breë bak.
3.Sous Klits al die bestanddele saam en geur met peper.
4.Dreineer die pasta en bone, en voeg by die tunamengsel. Giet die sous oor en meng sagkens deur.
5.Garneer elke porsie met ’n gekookte eier en sit dadelik voor.