APPELKOOS-EN-HOENDER-SOSATIES-RESEP
(Kan in die oond of op die vuur gemaak word)
Bestanddele •8 sosatiestokkies
•4 hoenderborsies, in blokke gesny
•12 klein uitjies, gehalveer
•1 groen soetrissie, ontpit en in blokke gesny
•410 g (1 blik) appelkooshelftes, gedreineer
•knypie sout en peper
Sous •60 ml (4 e) appelkoossap
•45 ml (3 e) blatjang
•125 ml (½ k) Caesar Vinaigrette-slaaisous
Metode
Stel oond op 180 °C.
1 Week sosatiestokkies in water vir twee uur.
2 Ryg hoenderblokke, uitjies, soetrissie en appelkooshelftes beurtelings op sosatiestokkies.
3 Sprinkel sout en peper oor en sit in gesmeerde oondbak van ongeveer 34 cm x 24 cm groot.
4 Sous Meng bestanddele vir sous en giet oor sosaties.
5 Bedek oondbak met foelie en bak vir 30 minute. Verwyder foelie en bak nog 15 minute tot gaar.
6 Sit voor soos verkies.
