Hoendertjie met ‘n ander baadjie

Hoendertjie met ‘n ander baadjie

Chloé Pieterse
Porsies: 2

Bestanddele

Vulsel
2 medium vars beet
150 g sampioene
50 g botter
15 ml olyfolie
2 medium uie
2 medium wortels
5 ml vars roosmaryn
Sout en peper
Witwynsous
2 stukke hoender “supremes”
125 g uie
15 ml elk botter en olyfolie
400 ml chardonnay
100 ml room
Sout en peper
Polenta
2 koppies polenta
2 koppies water
1 koppie room
Handvol vars roosmaryn, fyngekap
Handvol vars tiemie, fyngekap
Sout en peper
2 eetlepels botter
Kappertjie blommetjies vir garnering

Instruksies

1. Voorverhit oond tot 180ºC.
2. Plaas beet in koue water met ‘n knippie sout en kook tot gaar. Hou eenkant.
3. Kap sampioene, uie, wortels en roosmaryn. Braai die groente in die olie en botter in ‘n mediumpan tot sag en geurig. Voeg sout en peper na smaak by.
4, Maak die velletjie van die hoender los van die vleis. Druk die vulsel onder die vel van die hoender supreme in. Smeer bietjie botter bo-oor die vel en geur met sout en peper.
5. Verhit 15 ml olie in ‘n mediumgrootte pan . Plaas die hoender met velkant na onder in die pan en braai tot die vel goudbruin is. Draai om en braai ook aan die ander kant.
6. Plaas die hoender op ‘n bakplaat, bedek met foelie en bak vir 30 – 40 minute of tot die hoender gaar en sappig is.
7.Kap die uie fyn vir die sous en braai oor matige hitte in die olie en botter. Voeg die wyn by en laat stadig prut tot die wyn afgekook het.Voeg die room by, laat dit verder stadig prut tot die sous effens verdik. Voeg sout en peper na smaak by en hou eenkant tot net voor gebruik.
8. Verhit die water oor hoë hitte tot kookpunt. Klits die polenta stadig by en draai die hiite af na medium. Hou aan klits tot die polenta verdik. As die polenta droog lyk kan nog water bygevoeg word.
9. Voeg die roosmaryn, tiemie,room en botter by. Sodra die polenta gaar is kan dit egalig op ‘n medium bakplaat geskep word. Bedek met kleefplastiek en laat afkoel.
Hou intussen die hoender dop soadt dit nie aanbrabd nie.
Trek die skilletjies van die gaar beet af. Plaas dit in ‘n voedselverwerker en pols tot glad. Druk dit dan deur ‘n sif om ‘n puree te kry.
Neem twee wit borde en gebruik ‘n kombuiskwas om twee beet-strepe dwars oor die bord te maak.
10. Sny die afgekoelde polenta in reghoekige blokke. Skroei die polenta-blokke in ‘n riffelpan tot mooi strepe gesien kan word
11. Verhit intussen die wit-wyn-roomsous en haal die hoender uit die oond om te rus.
Plaas ‘n polentablok skuins op die beetstreep en dan hoender bo-op. Bedruip met die roomsous.
Garneer die borde met kappertjieblommetjies en vars gekapte kruie.