Hierdie meringue is bietjie anders want in plaas van die normale suurlemoenweergawe, gebruik ek granadilla puree, want dit werk baie goed en smaak heerlik. Ek bedien dit ook in ’n klein lepeltjie en sodoende is dit net een happie en makliker om te eet.
Om die vulsel te maak het jy die volgende nodig:
• 7 eiergele
• 5 eetleples strooisuiker
• 125ml granandilla puree
• 250ml marcarpone
Klits die eiergele met die suiker oor ’n waterbad tot linte vorm. Roer die granandilla by en vou nou ook die mascarpone in. Sit in die yskas tot jy dit gaan gebruik sodat dit effe kan stol.
Om die meringue gedeelte te maak het jy die volgende nodig:
• 7 eierwitte
• 350g strooisuiker
• Bietjie water
-Gooi die suiker in ’n klein potjie en voeg bietjie water by sodat die suiker net bedek is.
-Verhit nou die stroop tot 120 grade en begin dan die eiers klits.
-Sodra die suikerstoop 135 grade bereik, kan jy die stoop stadig by die eirs begin gooi. Jy moet dit baie stadig byvoeg en ook op ’n hoë spoed klits sodat die spul nie skif nie. Klits nou tot die mengsel afgekoel het.
-Sit nou hierdie mengsel in spuitsakke. Al wat jy nou nog hoef te doen is om die granadillamengsel op ’n lepel te skep en dan die meringue bo op te spuit en met ’n blaasvlam by te kom. Die eier is klaar gaar so die blasvlam is net om kleur te gee.
