LOS-HAAR-UIT-BROODJIE
Indien jy ontrouheid vermoed, gebruik die volgende:
JY BENODIG
1 teelepel Franse mosterd
1 eetlepel goeie mayonnaise
2 snye vars brood
dun skyfies gebraaide biefstuk
1 skyfie gouda
½ appel, in skyfies gesny en gebraai met botter en kaneel
grofgemaalde swartpeper
‘n paar takkies bronkors (‘watercress’)
bakpapier
geskenkpapier
lint
kaartjie
METODE
Meng mayonnaise en mosterd, smeer op brood. Rangskik appel op een sny brood, rangskik biefstuk en kaas bo-op. Geur baie liggies met swartpeper. Plaas bronkors heel bo-op en bedek met ander sny. Draai toe in bakpoeier en geskenkpapier. Bind vas met lint. Skryf “Dis nie die moeite werd nie” op kaartjie en plaas op pakkie.
