TAGLIATELLE MET VARS KRUIE
JY BENODIG
blaartjies van 3 takkies roosmaryn, gekap
3 eetlepels italiaanse pietersielie, grof gekap
7 vars mentblare
7 vars salieblare
10 vars basiliekruidblare
2 eetlepels druiwepitolie
1 ui, gekap
2 knoffelhuisies, gekap
1 klein rooirissie, ontpit en fyngekap
½ koppie witwyn
½ koppie groenteaftreksel
seesout
grofgemaalde swartpeper
400g dun pasta
ekstra vars basiliekruid
olyfolie
METODE
Meng kruie saam en hou eenkant. Verhit olie in pan en roerbraai ui, knoffel en rissie oor medium hitte vir 3 minute. Voeg wyn en groenteaftreksel by en kook oor hoër hitte vir 2 minute. Verwyder van hitte en geur liggies met sout en peper. Roer kruie by. Kook pasta volgens aanwysings tot al dente. Dreineer en roer by kruiesous. garneer met ekstra basiliekruid. Drup liggies olyfolie bo-oor en bedien.
