Kaas-en-mielie-skon-resep
Bestanddele
3½ k (875 ml) bruismeel
15 ml strooisuiker
5 ml sout
60 g koue botter, grof gerasper
1 ½ k (375 ml) melk
30 ml grasuie, fyn gekap
1 gaar soetmielie, pitte afgesny
200 ml gerasperde cheddar kaas
30 ml volgraan mosterd
Ekstra melk om oor skons te borsel
Metode
1 Voorverhit oond tot 200 C. Smeer pan
2 Sit die meel, suiker en sout in ‘n groot bak. Voeg die botter by en vryf in tot die mengsel soos broodkrummels lyk
3 Maak ‘n gat in die middel. Voeg die melk, uie, mieliepitte en ¾ van die kaas by. Gebruik ‘n plat mes om dit liggies te roer totdat die deeg amper bymekaarkom. Dop uit die bak uit op ‘n oppervlak wat liggies met meel bedek is.
4 Knie die deeg saggies. Rol dit uit tot ‘n dikte van 3 cm. Sny 10 cm-rondtes uit. Plaas op bakplaat. Borsel skons met die ekstra melk en sprinkel oorblywende kaas oor.
5 Bak vir 25 – 30 min of tot goudbruin
