Peer en bosbessie ontbytrolletjies
(Maak 8)
2 k (500 ml) koekmeel
1 e (15 ml) bakpoeier
1 t (5 ml) fyn kaneel
1 t (5 ml) sout
6 e (90 ml) strooisuiker
¼ k (± 65 ml) hawermout
2 e (30 ml) bosbessies, grofgekap
1 peer of appel, geskil, pitte verwyder en grof gerasper
½ k (125 ml) melk
1 eier
5 e (75 ml) olie
‘n bietjie ekstra melk om bo-oor te verf
‘n bietjie ekstra hawermout om bo-oor te sprinkel
- Voorverhit die oond tot 180°C.
- Spuit ‘n bakplaat met kleefwerende sproei.
- Sif die meel, bakpoeier, kaneel en sout saam.
- Roer die strooisuiker, hawermout en bosbessies by.
- Meng die gerasperde peer of appel, melk, eier en olie saam en voeg by die droë bestanddele. Roer liggies tot die deeg net bymekaar kom. Verdeel die deeg eweredig in 8 en rol egalige rolletjies.
- Pak die rolletjies op die bakplaat, verf elkeen met ‘n bietjie melk en sprinkel met hawermout.
- Bak vir 12 tot 15 minute tot die rolletjies gaar en lig is.
