Dis begin lente en almal dink aan blomme. Natuurlik ek ook, maar ek dink ook aan daai lui lekker dae in die somer wanneer jy erens 'n koelteboom soek waaronder jy net kan lafenis soek teen die hitte. Maak 'n plekkie in jou tuin waar jy kan wegkruip en 'n bietjie stilte geniet. 'n Plekkie waar jy luilekker jou leesboek kan geniet. 'n Plekkie waar jy jou batterye kan herlaai en net ontspan. 'n Ou stoel wat oor geverf is in 'n hoekie van die tuin (as jy gelukkig is onder die koelteboom) en 'n sagte kussing of twee, kan net die ding doen. Maak solank daardie leeshoekie reg sodat jy hom hierdie somer kan geniet.....en as jy nou 'n bietjie Franse flair wil byvoeg..... plant solank 'n paar lavendar plantjies by jou leeshoekie en dalk 'n romantiese roos of twee. Dit kan mos net pragtig lyk en geniet word.
