Tamatie Spaghetti
Genoeg vir 4 mense
Bereiding: 15 minute
Gaarmaaktyd: 12 minute
200 g babatamaties
6 takkies origanum, blare van takkies gestroop
1 bakkie basilieblare, geskeur
2 ml (½ t) brandrissieolie
goeie skeut olyfolie
hand vol gerasperde parmesaan
500 g pasta soos spaghetti
groot klont botter
6-8 knoffelhuisies, fyn gekap
1 bottel gekoopte Napolitanatamatiesous
sout en peper na smaak
ekstra basilieblare en parmesaankaasskaafsels vir bo-oor
Meng die tamaties, kruie, olie en gerasperde parmesaankaas in ’n mengbak en hou eenkant.
Kook die pasta volgens die aanwysings op die pakkie.
Dreineer.
Terwyl die pasta kook, verhit die botter in ’n pan en roerbraai die knoffel 1-2 minute oor matige hitte.
Voeg die Napolitana-sous by en verhit tot net warm.
Verwyder van die hitte en roer die vars tamatiemengsel deur die Napolitana-sous.
Geur met sout en peper.
Meng deur die pasta, giet nog ’n skeut olyfolie by en rond af met die basilie en parmesaan.
Sit dadelik voor.
