ROOMYSHORINKIES MET MALVALEKKERVULSEL
Jy benodig
(vir 1 horinkie)
- 1 suikerhorinkie (dis die soort wat hulle in ’n King Cone gebruik)
- 1 hand vol malvalekkers
- 50 ml kondensmelk
- 1 hand vol gemengde neute
- Marie-beskuitjies
- gesmelte donkersjokolade
- verskeie bont lekkers
1 Tamaai taaiheid. Smelt die malvalekkers met die kondensmelk en voeg die neute by.
2 Top hom op. Gooi die taai mengsel in die horinkie en laat dit stol met ’n Marie-beskuitjie oor die opening vasgeplak. (Die maklikste is om die vol horinkie in ’n leë glas te laat regop staan totdat die inhoud gestol het).
3 Laat jou verbeelding los. Versier dan die horinkie deur die lekkers met gesmelte sjokolade aan die buitekant vas te plak.
