Murray se onderstebo lemoen-en-pynappelkoek

Murray se onderstebo lemoen-en-pynappelkoek

Bestanddele

Koek
125 g botter
2 eiers
2 koppies meel
1 teelepel koeksoda
1 ml sout
1 koppie suiker
gerasperde skil van 1 Lemoen
1 koppie suurroom
1 koppie fyngesnyde dadels
1 blik pynappelskywe (sowat 8 skywe)
Stroop
150 ml lemoensap
100 ml suiker
50 ml lemoenlikeur (Cointreau)

Instruksies

Koek

• Voorverhit die oond tot 180˚C.
• Smeer ’n 22cm losboompan.
• Rangskik die pynappelskywe eweredig op die bodem van die pan.
• Room die botter en suiker met ‘n elektriese menger totdat dit lig en donsig is.
• Voeg die eiers een vir een by en meng goed.
• Meng die koeksoda met die suurroom en voeg by.
• Voeg die res van die bestanddele by en meng goed.
• Gooi die beslag oor die pynappels in die pan en bak vir 1 uur of tot gaar.
• Terwyl die koek nog warm is gooi die volgende stroop oor.
• Laat die koek afkoel en keer dit versigtig onderstebo op ’n opdienbord uit.

Stroop

• Kook die lemoensap en suiker tot ’n dikkerige stroop
• Verwyder die stroop van die hitte af en laat effens afkoel.
• Roer die likeur by die stroop.