Reuse hoenderburgers
Genoeg vir 4 mense
Bereiding: 15 minute
Gaarmaaktyd: 15-20 minute
Staantyd: 30 minute
HOENDERFRIKKADELLE
500 g hoendermaalvleis
6 grasuie, gekap
80 ml (1∕3 k) gekapte koljanderblare
5 ml (1 t) rooipeper of paprika
2 knoffelhuisies, fyn gedruk
45 ml (3 e) vars broodkrummels
2 eierwitte, effe geklits
15 ml (1 e) suurlemoensap
sout en peper na smaak
SOUS
250 ml (1 k) natuurlike jogurt
30 ml (2 e) laevet-mayonnaise
5 ml (1 t) soet brandrissiesous of
Dijonmosterd
OM VOOR TE SIT
4 lae-GI-saadbroodrolletjies, in die
helfte deurgesny en snykante effens
gerooster
4 groot blare Iceberg-slaai
skywe rooi-ui, tamatie en agurkies
- FRIKKADELLE Meng al die bestanddele goed saam en geur met sout en peper.
- Verdeel die frikkadelmengsel in 4 en vorm vleiskoekies van 1 cm dik. Verkoel minstens 30 minute.
- Verhit ’n gewone of riffelpan. Spuit met kossproei. Braai die vleiskoekies sowat 5 minute oor matige hitte of tot goudbruin alkant. Bedek en stoombraai nog 5-7 minute tot gaar en sappig.
- SOUS Klits al die bestanddele vir die sous saam en geur met sout en peper na smaak.
- OM VOOR TE SIT Plaas ’n groot slaaiblaar op elke broodjie, stapel ruimskoots uie, tamatie en agurkieskywe op en plaas die vleiskoekie bo-op. Giet die sous oor en plaas die ander broodrolletjie bo-op.
- Steek vas met ’n houtsosatiepen om in posisie te hou.
