Tara se nagmusiek-kolwyntjies

Tara se nagmusiek-kolwyntjies

Porsies 12 kolwyntjies

Bestanddele

Kolwyntjies

• 40 g botter
• 140 g strooisuiker
• 100 g meel
• 20 g kakao
• 7,5 ml bakpoeier
• knippie sout
• 1 eier
• 50 ml Nachtmusik-likeur (kan vervang word met melk)
• 80 ml melk
• 40 g haselneute (opgekap)

Sjokolade-ganache

• 250 ml melk
• 350 g donkersjokolade (opgekap)
• Jel-kleursel (opsioneel)

Roomkaas-versiersel

• 90 g botter (sag)
• 230 g roomkaas
• 550 g versiersuiker (gesif)
• paar druppels suurlemoensap of vanielje-geursel

 

Instruksies

Kolwyntjies

1. Meng suiker en botter saam tot romerig.
2. Sif die droë bestanddele saam en meng deur die bottermengsel tot deur gemeng.
3. Meng die nat bestandele saam.
4. Gooi ¾ van die nat mengsel by die droë mengsel en meng deeglik. Voeg die res van die nat bestanddele by en meng goed.
5. Sprinkel die haselneute bo-oor die kolwyntjies en bak teen 180°C vir +/- 15-20 minute.
6. Laat die kolwyntjies afkoel op ’n draadrak.

Sjokolade-ganache

1. Verhit die room tot dit net kook.
2. Gooi die warm room oor die sjokolade in ’n mengbak en klop tot glad.
3. Voeg swart jel-kleursel by die mengsel indien verkies.
4. Laat staan tot glad en koel.

Roomkaas-versiersel

1. Meng die botter en roomkaas saam tot glad.
2. Voeg die versiersuiker by en meng goed.
3. Voeg die suurlemoensap/vanielje by en meng tot net deur gemeng.
4. Plaas die ganache en roomkaas versigtig in dieselfde spuitsak met ’n ronde punt (nommer 2).
5. Spuit die versiersel bo-op die kolwyntjies.