ROMERIGE BILTONGSOP
125 g botter of margerien
200 ml koekmeelblom
500 ml melk
1.5 liter beesvleisaftreksel
2 ml fyn neutmuskaat
2 ml fyn koljander
sout en vars gemaalde peper na smaak
200 ml room
100 g biltong poeier
200 ml gerasperde kaas
Smelt botter in ‘n swaarboomkastrol, voeg dan meel by en kook dit vir 2 minute terwyl jy voortdurend roer.
Voeg melk by en bring tot kookpunt.
HOU AAN met ROER! sodat dit glad bly.
Voeg aftreksel, neut, koljander en sout en peper by.
Prut vir ongeveer 10 minute en roer voortdurend totdat dit verdik en glad is
Voeg room en biltong poeier by en verhit vir ‘n paar minute.
Verwyder van hitte, voeg kaas by en roer goed deur.
Sit dadelik voor.