Tiaan en Mynhardt se karringmelk-plaatkoekies
Karringmelk-plaatkoekies met neut- en heuningbotter
Karring eers die botter, sodat die karringmelk wat oorbly vir die plaatkoekies gebruik kan word.
Neut- en Heuningbotter
1 liter room
100 g neute, gekap
30 ml heuning
Klits die room tot dit skei en karringmelk afkom. Meng die heuning en neute met die botter. Behou die karringmelk* vir plaatkoekies.
Plaatkoekies
500 ml meelblom
20 ml bakpoeier
2 ml sout
20 ml suiker
2 eiers
350 ml karringmelk*
25 ml olie
100 g korente
Bietjie olie vir braai
Sif droë bestanddele saam in ‘n mengbak. In ‘n apart bak, meng eiers, karringmelk en olie saam en roer by die droë bestanddele in.
Verhit klein bietjie olie in pan. Skep lepelsvol van die beslag in die pan en strooi korente bo-oor. Draai om en bak ander kant gaar. Bedien warm (korente-kant na bo) met neut- en heuningbotter.