Oondgeroosterde worsies met geurige tamaties
Genoeg vir 4
12 klein lamsworsies
6 knoffelhuisies, geskil en gesny
2 rooi uie, in wiggies gesny
sout en gemaalde swartpeper
olyf- of avokado-olie om oor te gooi
2 hande vol kersietamaties aan die stingel
45 ml (3 e) balsemiekasyn
¼ ciabatta-brood, in stukkies geskeur
hand vol basiliekruidblare
Verhit die oond tot 180 °C.
1. Sit die worsies, knoffel en uie in ‘n diep roosterbak. Sprinkel olie oor en rooster vir 15 min.
2. Voeg die tamaties, asyn en ciabatta-stukke by en rooster vir nog 15 min. tot goudbruin en krakerig.
3. Strooi die basiliekruidblare oor en smul.