SUURLEMOEN MERINGUE TERTJIES (SUIKERVRY)
Maak: 12 tertjies
Bereidingstyd: 30 minute
Baktyd: 15 minute
Oondtemperatuur: 200 C
KORS:
50 ml gesmelte laevet-margarien
4 velle fillo
VULSEL:
250 ml suiker-plaasvervanger met ’n xilitol-basis (ons het Suki gebruik)
60 ml mielieblom
2 groot omega 3-verrykte eiergele
500 ml warm water
80 suurlemoensap
15 ml laevet-margarien
MERINGUE:
2 groot eierwitte, teen kamertemperatuur
20 ml suiker-plaasvervanger
METODE:
Verf margarien oor ’n vel fillo en sit nog ’n vel bo-op. Herhaal met die res van die velle. Gebruik ’n kosring of ronde koekiedrukker en sny sirkels uit die deeg wat groot genoeg is om ’n muffinpan mee te voer. Bak vir sewe tot 10 minute, of tot goudkleurig.
Vulsel Meng al die bestanddele in ’n bak en sit dit oor ’n kastrol met water wat prut. Roer tot al die suiker-plaasvervanger opgelos het en die mengsel verdik. Gooi in die deegdoppies en bak vir nog vyf tot agt minute.
Meringue Klop die eierwitte tot dit stywe punte vorm. Voeg die suiker-plaasvervanger bietjies-bietjies by. Skep dit op die warm vulsel of druk dit met ’n versiersak daarop uit. Bak vir drie tot vyf minute of tot goudkleurig. Laat op ’n draadrakkie afkoel.